OKWA kundanekwa ositola yedhina Ok yokOshaanda ya pya po. Meya gwondoloopa yaShaanda, Emma Taukuheke okwa lombwele oshikundaneki shoNampa kutya ondalu yanelyanga (omulilo) oya hanagulapo ositola ayihe.
“Sigo ongashingeyi katu shi kutya omulilo ngoka ogwa zi naanaa peni nenge ogwa tamekwa koshike. Shoka te vulu okutya osho owala shono kutya ayihe oya hanagulwapo komulilo, mwa kwatelwa iilandithomwa mbyoka ya adhika opo ya thiki, ya adhika kompungulilo”, Taukuheke a ti ngaaka. Taukuheke okwa ti ookadhimamulilo yamuni gwaShaanda oya kambadhala lela opo ya keelele omulilo ngoka gwaa ye koositola dhopopepi nogwaa ye wo ketungo lyombaanga yotango yopashigwana (FNB) hoka.
Ekanitho otali tengenekelwa nee poodola dhaNamibia oomiliyona dhi li omulongo nambali. (oomiliyona N$12 000). Ositola ndjoka yedhina Ok yokOshaanda hoka oyomunamimvo omilongo hamano nantano (65), Daniel de Jesus, omukalimo gwomOshaanda moka.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
